سروده ای از علی علیزاده «امید سلماسی» تقدیم به حضرت زینب(س) - تورکجه بیر غزل

* رجعت حضرت زینب(س) پس از مدتها به کربلا...

اَجل انتظاره قویما جانیمین گوزون تلس - گَل
تَلَسیک ایشینده اولسا، یِره قوی، نفس نفس - گل

غم هئجره دوزمَلیدیم، اوقَدَر کی وصل اولسون
یئتیشیبدی کربلایه ایاقیم دا بسدی بَس ، گل

من امیرِ مؤمنانین قیزیام سفیرِ عشقم
دوزوموم دا یوخدو - دونیا - منه اولدو بیر قفس - گل

بورا کربلادی بوردا، نئچه قارداشیم یاتیبدیر
بورادی منای زینب ، سَسیمه وِر ایندی سَس - گل

دور اَیاقا یاتما قارداش، الی بوش گلیبدی زینب
خَجِلم سکینه دَن -دور- منه بیرجه دادرس ، گل

شَهِ کربلا مزاری، باشی اوسته دوردو زینب(س)
اَجَلی چاغیردی بیرده، دئدی آه ایله تَلَس - گل




طبقه بندی: دینی و مذهبی،  فرهنگی و هنری،  یادداشت سردبیر،  ادبی، 
برچسب ها: امید سلماسی - شعر ترکی - حضرت زینب(س)،  

تاریخ : یکشنبه 9 مهر 1396 | 12:07 ب.ظ | نویسنده : علی علی زاده | نظرات
.: Weblog Themes By M a h S k i n:.